എന്തുകൊണ്ട് ഐഫോണിൽ  'Weak Security' എന്ന് കാണിക്കുന്നു ?

ഐഫോണിൽ വൈഫൈ ഉപയോഗിക്കുന്നവർ വൈഫൈ സെറ്റിങ്സിൽ 'വീക്ക് സെക്യൂരിറ്റി' എന്ന് കാണിക്കുന്നത് ശ്രദ്ധിച്ചുകാണും. ഇത് എന്താണ് എന്ന് മനസിലാക്കാൻ  ആദ്യം നമ്മൾ വൈഫൈ സെക്യൂരിറ്റി പാച്ചുകളെ കുറിച്ച് അറിഞ്ഞിരിക്കണം. വൈഫൈ സെക്യൂരി പാച്ചുകൾ WEP, WPA, WPA2 and WPA3 എന്നിങ്ങനെയാണ് ഉള്ളത്. ഇത് ഓരോ കാലഘട്ടത്തിൽ പുറത്തിറക്കിയ സെക്യൂരിറ്റി പാച്ചുകളാണ്. 

ബ്രോഡ്ബാൻഡ് മോഡങ്ങളിൽ സാധാരണയായി WEP, WPA, WPA2, WPA2-PSK എന്നി സെക്യൂരിറ്റി പാച്ചുകളാണ് കാണുന്നത്. അതിൽ തന്നെ WPA2-PSK ആണ് ഏറ്റവും പുതുതായി വരുന്നത്. ഇതിൽ തന്നെ രണ്ട് എൻക്രിപ്ഷനാണ് ഉപയോഗിക്കുന്നത്. AES (Advanced Encryption Standard) or TKIP (Temporal Key Integrity Protocol) encryption method എന്നിങ്ങനെ രണ്ട് മാർഗ്ഗങ്ങൾ. ഇതിൽ TKIP ആദ്യം വന്നതും AES പുതിയതായി കൂട്ടിച്ചേർത്തതും ആകുന്നു. ഇതേ AES (Advanced Encryption Standard) എൻക്രിപ്ഷൻ തന്നെയാണ് WPA3 യിലും ഉപയോഗിച്ചിരിക്കുന്നത്.

നമ്മൾ ഉപയോഗിക്കുന്ന മോഡത്തിൽ WPA2-PSK എന്ന സെക്യൂരി പാച്ചിൽ WPA2-PSK (TKIP/ AES) എന്ന ഓപ്ഷൻ ആയിരിക്കും default ആയി സെലക്ട് ആയിരിക്കുന്നത്. അത് മാറ്റി അവിടെ WPA2-PSK (AES) എന്ന ഓപ്ഷൻ സെലക്ട് ചെയ്താൽ , മോഡം AES എന്ന പുതിയ എൻക്രിപ്ഷൻ ലെവൽ മാത്രം ആയിരിക്കും ഉപയോഗിക്കുക. ഐഫോണിൽ വീക്ക് സെക്യൂരിറ്റി കാണിക്കാനുള്ള പ്രധാന കാരണം ഐഫോൺ നമ്മളോട് ഏറ്റവും പുതിയ സെക്യൂരിറ്റി എൻക്രിപ്ഷൻആയ AES (Advanced Encryption Standard) ഉപയോഗിക്കാൻ ആവശ്യപ്പെടുന്നതാണ്.